Gusto kitang dalhin kung saan ako lumaki. Gusto kong makita mo kung ano ‘yung mga bagay na humubog sa buo kong pagkatao at sa kung sino man ako ngayon. Gusto kitang dalhin sa mga paborito kong lugar, sa kung saan ako namamasyal nung bata pa ako, kung saan ako unang nadapa, nagkasugat at nagkaroon ng mga masasayang alaala. Gusto kong pagsaluhan natin ‘yung mga dating alaala ko habang gumagawa tayo ng mga bago. Gusto ko rin sanang dalhin mo ‘ko sa kung saan ka lumaki, gusto ko rin makita kung ano ‘yung mga bagay na bumuo sa pagkatao mo, sa pagkatao ng taong pinakamamahal ko.

BABAE:

• Nag-aayos ng buhok.
• Papalit-palit ng damit.
• Make-up. 
• Nagpopose sa salamin.

LALAKI:

• Nag-aayos ng buhok.
• Nag-aayos ng buhok.
• Nag-aayos ng buhok.
• Guguluhin.
• Aayusin ulit.

Minsan nakadepende sa laki ng baon ko ang gana kong pumasok.

Habang padami nang padami ang mga naiimbentong gadget, paunti nang paunti ang mga batang naglalaro sa labas.

Minsan mahirap na ikaw lang ang nagkakagusto sa isang tao. Kasi kahit ilang beses mong i-convince ang sarili mo hindi mo siya gusto, sarili mo lang ang niloloko mo. Lahat ng parte ng katawan mo kinokontra ka. Kahit may isang milyon kang dahilan kung bakit hindi siya posibleng magkagusto sayo, may isang milyon at kalahati ka namang tanong kung bakit hindi pwede. At kahit alam mong may gusto na siyang iba, hindi mo mapigil ang sarili mong umasa na sana ikaw na lang ‘yung nasa posisyon nung taong ‘yun. Ang swerte.. Ang saya niya siguro sa piling ng taong gusto mo. Pero ang hirap. Ang hirap maging masaya para sa kanila habang ikaw, nag-aantay pa rin na mapansin man lang niya. Isang tingin lang.. Isang ngiti lang, okay ka na. Tapos malalaman mo na lang bigla na sila na pala. Syempre masakit ‘yun. Pero kahit papaano, masaya ka na rin para sa taong gusto mo, dahil nakuha na niya ‘yung gusto niya. Ang problema, hindi nga lang ikaw ‘yun. Pero ayos lang, masaya naman siya. Ang hirap lang talaga na ikaw lang ‘yung nagkakagusto sa isang tao na hindi ka naman gusto.

Minsan mahirap din na ikaw ang gusto ng isang tao na hindi mo naman gusto. Mahirap din isipin na may taong nagkakagusto sayo. Pakiramdam mo hindi ka deserving ng ganung klase ng atensyon. Mahirap ang ganitong sitwasyon kasi ang unfair, na masaya ka sa piling ng iba habang nakikita mo siyang patingin-tingin lang sayo sa malayo. Hindi makalapit, hindi mapakali, hindi makatingin nang maayos. Mahirap na ikaw ‘yung gusto ng isang tao na hindi mo naman gusto kasi alam mong nasasaktan siya pero wala ka namang magagawa. Gusto mo siyang ngitian, lapitan at maging kaibigan pero ayaw mo namang ma-misinterpret niya ang mga ginagawa mo. Mahirap ang mapunta sa ganitong posisyon, kasi alam mo kung ano ang pakiramdam nang magkagusto sa isang tao na hindi ka rin naman gusto. Ang mas masakit e ikaw na mismo ‘yung gumagawa nito sa ibang tao. Ang hirap lang talaga na ikaw ‘yung gusto ng taong hindi mo naman gusto.

Minsan ikaw ‘yung may gusto pero hindi ka naman gusto. Minsan din naman ikaw ‘yung gusto pero hindi mo naman gusto. Pero anong magagawa mo diba? Ganun lang talaga ang takbo ng mundo, hindi lahat ng gusto mo mapapasayo.

Kapag in a relationship, nilalagyan ng “✓”. Pero kapag nagkahiwalayan na, nagiging “x” si ex na tila ba ay isang malaking kamalian.

Kung ibabase natin sa isang exam, paano ba nagkakaroon ng kamalian?

• Kapag nagchcheat, diba? Pwede.
• Kapag hindi pinag-iisipan nang maayos ang sagot
• Kapag tama na ‘yung una mong sagot tapos pinalitan mo pa
• Kapag tingin mo natagpuan mo na ang “right” one answer
• Kapag nagpachaba-chama lang
• Kapag nagpadalos-dalos ka

Marami pang ibang dahilan kung bakit humahantong sa ganyan, kung bakit parang nagiging isang kamalian ang ex mo. Kapag nagkakaroon ka ng mistake sa test, nasasayangan ka, nagagalit, nalulungkot, na-ffrustrate. Pero ang kinaganda lang nyan ay may natututunan ka, may napupulot kang aral. At ‘yung aral na ‘yun, maari mong gamitin kapag nabigyan ka ng isa pang pagkakataon, kumbaga sa exam, may removal o retake. Minsan ‘yung dating nagbigay ng pasulit ang magiging proctor mo ulit. Minsan din bago. Pero madalas ganun pa rin ang mga tanong kaso nga lang may kaunting pinagkaiba na. Nasa sayo na ‘yan kung ‘yung dating sagot mo pa rin ang pipiliin mo. Tandaan mo na ang taong tanga, ginagawa ang isang bagay ng paulit-ulit habang nag-aabang ng bagong resulta. 

Hindi ka naman siguro tanga, diba?

• YUNG NASA ISIP MO: Alam mo nakakainis ka. Ginawa ko naman ang lahat para sayo ah. Hindi mo alam kung gaano mo ako lubusang nasaktan. Tapos ngayon, parang balewala lang sayo ang lahat. Minahal mo ba talaga ako?!
• YUNG LUMALABAS SA BIBIG MO: Sorry kung marami akong mga naging pagkukulang. Sorry sa lahat ng mga nagawa kong kasalanan sayo. Hiling ko lang na sana makahanap ka ng taong mas deserving sayo, yung aalagaan ka ng tunay at mamahalin ka ng totoo.

• GIRL: Ewan ko sayo! Kung kani-kanino ka na lang bumabanat.
• GUY: Babe, naman. Wag ka na magselos. Nakikipagbiruan lang naman ako eh.
• GIRL: Dun ka na lang sa kanila.
• GUY: Alam mo ba kung ano 'yung pinagkaiba kapag bumabanat ako sa'yo at kapag bumabanat ako sa kanila?
• GIRL: ...
• GUY: Sa tuwing bumabanat ako sa kanila, natutuwa sila. Pero sa tuwing bumabanat ako sa'yo, natutuwa ako kasi napapasaya kita.

Napansin niyo ba na kapag pinagdikit niyo ang dalawang luha tapos binaliktad niyo magiging korteng puso?

Darating din ‘yung araw na hindi ko na kailangan magkunwaring okay lang ako.

Hindi ko talaga maintidihan ‘yung mga taong laging humihingi ng TA sa inbox nila, tapos kapag merong nagsend, bibigyan lang ng sarcastic at walang kwentang sagot.

Aalalahin mo rin siya katulad ng pag-aalala niya noon sayo. Mamimiss mo rin siya katulad ng pagkaka-miss niya noon sayo. Mamahalin mo rin siya kagaya ng pagmamahal niya noon sayo. Kaso ang problema, ibinabalewala ka na niya ngayon katulad ng pagbabalewala mo sa kanya noon.

Sa isang jeepney..
• HOLDAPER: Hold up 'to!
• ALE: Oh, ano ngayon? Tinatanong ba namin?
• HOLDAPER: Sige, bababa na lang ako.. Ganyan naman kayo eh, parang others.